Um Vísindaskólann

Markmið Vísindaskólans er að bjóða ungmennum fædd 2013-2015 (11-13 ára) upp á fræðandi og skemmtilega afþreyingu. Þar fá ungmennin að kynnast þemum sem endurspegla fjölbreytt námsframboð Háskólans á Akureyri.

Skipulag Vísindaskólans er þannig að kennd verða fimm námskeið, eitt á hverjum degi. Nemendum verður skipt upp í fimm hópa og fer hver hópur í gegnum öll námskeiðin. Nemendur fá sendar til sín upplýsingar um það í hvaða hópi þeir eru og í hvaða röð þeir fara í gegnum námskeiðin áður en skólinn hefst.

Vísindaskólinn stendur frá kl. 9:00 – 15:00, dagana 22. - 26. júní 2026.

Námskeið Vísindaskólans 2026 eru eftirfarandi:

Góður bær og betra líf
Hvernig virkar bæjarfélag og af hverju er frítt í strætó? Hver ræður kennarann minn?
Hvernig verður góður bær betri? Hvað er frístundastyrkur? Verð og val á matnum sem við borðum – rannsóknaleiðangur.

Kvikt og lifandi land í sól og myrkri
Hvað er í gangi undir yfirborði jarðar? Hvað er náttúruvá? Af hverju verður sólin svört? Hvers vegna þurfum við sólmyrkvagleraugu 12. ágúst?

Þegar þröskuldur verður hindrun, jafnrétti og mismunun
Hvernig er að þurfa að ferðast um í hjólastól? Hvernig er að sjá ekki vini sína? Hvað er jafnrétti og hvað er mismunun? Hvenær er grín meinlaust og hvenær ekki?

Ungmenni á norðurslóðum og barnasáttmálinn
Hvaða eyja er stærst í heimi og hverjir búa þar? Nota krakkar á Grænlandi TikTok? Norðurslóðir og heimurinn ofan frá. Barnasáttmálinn og réttindi barna.

Ævintýri í blómabreiðunni og hvar endar ruslið?
Geta plöntur lifað á loftinu? Hvernig ræktum við grænmeti? Þurfum við mold til ræktunar? Skoðunarferð í náttúrunni. Endurvinnsla og nægjusemi. Flokkun frá upphafi til enda. Heimsókn í endurvinnslustöð.

Dagskráin er birt með fyrirvara um breytingar.
__________________________________________________________

Nánari upplýsingar veitir Dana Rán Jónsdóttir, verkefnastjóri Vísindaskólans; dana@unak.is eða í síma 460-8906.
Skólastjóri Vísindaskólans er Sigrún Stefánsdóttir; sigruns@unak.is eða í síma 861-4499.
__________________________________________________________